اتوار، 30-نومبر،2025
اتوار 1447/06/09هـ (30-11-2025م)

سبزیوں اور پھلوں کی قیمتوں میں ہوشربا اضافہ، من مانی نرخوں سے عوام پریشان

26 اکتوبر, 2025 10:10

ملک بھر میں مہنگائی کی نئی لہر نے عوام کی مشکلات میں اضافہ کر دیا، ٹماٹر کی قیمتوں میں تاریخی اضافے نے سبزیوں کی مارکیٹ میں بحران پیدا کر دیا ہے۔

بازاروں میں ٹماٹر کے نرخوں میں غیر معمولی اضافہ کے باعث شہری دہی اور پیسٹ پر گزارا کرنے پر مجبور ہو گئے ہیں،اسی طرح گاجر، آلو، بند گوبھی، لہسن اور دیگر سبزیوں کی قیمتیں بھی مسلسل بڑھ رہی ہیں۔

مارکیٹ ذرائع کے مطابق افغانستان اور ایران سے درآمد میں کمی کے باعث سپلائی کا بحران سنگین صورت اختیار کر گیا ہے، تاجروں کا کہنا ہے کہ بلوچستان کی فصل ختم ہوچکی ہے جبکہ سندھ کی فصل اگلے ماہ متوقع ہے۔

شہریوں کا کہنا ہے کہ بازاروں میں من مانی قیمتیں وصول کی جا رہی ہیں، ہر روز نیا ریٹ اور نئی مہنگائی عوام کے لیے عذاب بن گئی ہے۔

مہنگائی کی موجودہ لہر نے پھلوں کو بھی عوام کی پہنچ سے دور کر دیا ہے، جبکہ شہری حکومت سے ریلیف اقدامات اور مؤثر نگرانی کا مطالبہ کر رہے ہیں۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔