اتوار، 30-نومبر،2025
اتوار 1447/06/09هـ (30-11-2025م)

نائیک سیف علی جنجوعہ شہید کا یومِ شہادت آج عقیدت و احترام کیساتھ منایا جا رہا ہے

26 اکتوبر, 2025 08:35

نائیک سیف علی جنجوعہ شہید کا یومِ شہادت آج عقیدت و احترام کیساتھ منایا جارہا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق نشان حیدر پانے والے پاک فوج کے بہادر سپوت نائیک سیف علی جنجوعہ کو یومِ شہادت پر سروس چیفس کی جانب سے خراج عقیدت پیش کیا گیا۔

آئی ایس پی آر نے بتایا کہ فیلڈ مارشل عاصم منیر، جنرل ساحر شمشاد مرزا نے شہید کو خراج عقیدت پیش کیا، نائیک سیف علی جنجوعہ شہید نے 1948ء کی جنگ میں بہادری کی تاریخ رقم کی۔

ترجمان پاک فوج کے مطابق پاک بحریہ اور پاک فضائیہ کے سربراہان نے بھی شہید کو خراج عقیدت پیش کیا۔

آئی ایس پی آر کا کہنا ہے کہ سیف علی جنجوعہ شہید کی جرات، استقامت اور قربانی ہمیشہ یاد رکھی جائے گی، پاک فوج کے جوان سیف علی جنجوعہ شہید کے جذبہ ایمان اور وفا سے رہنمائی لیتے رہیں گے۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔