ملک کی سمندری حدود کا دفاع کرنا جانتے ہیں، سربراہ پاک بحریہ

پاک بحریہ کے سربراہ ایڈمرل نوید اشرف نے کہا ہے کہ سرکریک سے جیوانی تک اپنی خودمختاری اور سمندری سرحدوں کادفاع کرنا جانتے ہیں۔

آئی ایس پی آر کے مطابق سربراہ پاک بحریہ ایڈمرل نوید اشرف نےکریکس ایریا میں اگلے مورچوں کا دورہ کیا اور حربی تیاریوں اور جنگی استعداد کار کا جائزہ لیا۔

CNS Adm Naveed Ashraf visited forward posts in Creeks Area to review operational preparedness & combat readiness. During visit, three state-of-the-art 2400 TD Hovercraft were also inducted into Pak Marines, enhancing PN’s agility & multi-domain operational reach. 1/2 pic.twitter.com/ZAAMdr310K

— DGPR (Navy) (@dgprPaknavy) October 25, 2025

اس اہم دورے کے موقع پر پاک میرینز میں جدید ترین 2400 ٹی ڈی ہوورکرافٹس کے 3 یونٹس کو باضابطہ طور پر شامل کرلیا گیا۔ہوورکرافٹس کی شمولیت پاک بحریہ کی آپریشنل صلاحیتوں میں ایک اور اہم پیش رفت ہے۔

پاک بحریہ میں شامل کیے گئے ہوورکرافٹس ایک ساتھ مختلف زمینی و آبی سطحوں پر کام کرنے کی صلاحیت رکھتے ہیں، یہ خشکی اور سمندر دونوں پر بیک وقت کارروائی کی منفرد صلاحیت رکھتے ہیں۔

سربراہ پاک بحریہ ایڈمرل نوید اشرف کا افسران اور جوانوں سے خطاب میں کہنا تھا کہ نئے پلیٹ فارمز کی شمولیت پاک بحریہ کو جدید تقاضوں سے ہم آہنگ کرنےکے وژن کا حصہ ہے یہ ملک کے سمندری و ساحلی دفاع کے عزم کی بھی تجدید ہے۔

ان کا کہنا تھا کہ پاک بحریہ سرکریک سے جیوانی تک اپنی خودمختاری اور سمندری سرحدوں کا دفاع کرنا جانتی ہے پاک بحریہ کی دفاعی صلاحیتیں ساحل سے سمندر تک بلند حوصلوں کی طرح مضبوط اور مستحکم ہیں۔