ڈرائیونگ لائسنس بنوانے والوں کی بڑی مشکل آسان ہوگئی؛ حکومت کا اہم فیصلہ
WebDesk
27 اکتوبر, 2025 11:49
A major difficulty for those getting driving licenses has been eased; an important decision by the government
سندھ حکومت کے وژن اور آئی جی سندھ پولیس کی خصوصی ہدایت پر کراچی میں شہریوں کے لیے ڈرائیونگ لائسنس حاصل کرنا مزید آسان بنا دیا گیا ہے۔
اب ڈرائیونگ لائسنس برانچ نے شہر میں لرنر ڈرائیونگ لائسنس جاری کرنے والی دو موبائل وینز کا باضابطہ آغاز کر دیا ہے۔ ان موبائل یونٹس کا مقصد شہریوں کو لائسنس کے حصول کے عمل میں آسانی فراہم کرنا اور انہیں اضافی مشکلات سے بچانا ہے۔
ترجمان کے مطابق ان وینز کا ہفتہ وار شیڈول بھی جاری کر دیا گیا ہے۔ اس نئے اقدام سے شہری اب زیادہ آرام سے اپنی درخواستیں دے سکتے ہیں اور لائسنس حاصل کر سکتے ہیں۔
مائیکرو یونٹس کے ذریعے ستمبر میں 4,449 لرنر لائسنس جاری کیے گئے تھے، جبکہ اکتوبر میں یہ تعداد بڑھ کر 5,327 تک پہنچ گئی۔ اب تک مجموعی طور پر ان موبائل وینز کے ذریعے 1,02,221 لرنر لائسنس جاری کیے جا چکے ہیں۔
انتظامیہ نے شہریوں کو یاد دلاتے ہوئے کہا ہے کہ موٹر سائیکل کے لرنر لائسنس کی سرکاری فیس 215 روپے ہے، جبکہ مشترکہ لرنر لائسنس کی فیس جو کہ کار اور موٹر سائیکل دونوں کے لیے جاری کیا جاتا ہے، 315 روپے ہے۔
عوام سے درخواست کی گئی ہے کہ وہ اس مقررہ فیس سے زیادہ رقم ادا نہ کریں اور کسی بھی قسم کی زیادتی کی صورت میں شکایات آئی جی سندھ کی ہیلپ لائن 1715 یا واٹس ایپ (صرف پیغام) نمبر 03700906774 پر درج کرائیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
