کشمیری نسل در نسل بھارتی ظلم و جبر اور انسانی حقوق کی پامالی کا شکار ہیں، صدر مملکت
WebDesk
27 اکتوبر, 2025 08:15
پاکستان کا آئین مذہبی آزادی اور بنیادی حقوق کی مکمل ضمانت دیتا ہے، صدرِ مملکت
اسلام آباد: صدرِ مملکت آصف علی زرداری نے کہا ہے کہ کشمیری نسل در نسل بھارتی ظلم و جبر اور انسانی حقوق کی پامالی کا شکار ہیں۔
صدرِ مملکت آصف علی زرداری نے یومِ سیاہ کشمیر کے موقع پر اپنے پیغام میں کہا کہ27 اکتوبر 1947 کشمیر کی تاریخ کا سیاہ ترین دن ہے، جب بھارتی افواج نے سری نگر پر غیر قانونی قبضہ کیا، جو بین الاقوامی قوانین کی کھلی خلاف ورزی تھی۔
انہوں نے کہا کہ کشمیری عوام نسل در نسل بھارتی ظلم، جبر اور انسانی حقوق کی سنگین پامالیوں کا سامنا کر رہے ہیں۔
ان کا کہنا تھا کہ بھارت نے کشمیر کی خصوصی حیثیت ختم کر کے اقوام متحدہ کی قراردادوں اور عالمی معاہدوں کی صریح خلاف ورزی کی ہے۔
آصف علی زرداری نے کہا کہ کشمیریوں پر اجتماعی سزائیں، املاک کی تباہی اور طویل فوجی محاصرہ کسی طور قابلِ قبول نہیں۔
صدر نے عالمی برادری سے مطالبہ کیا کہ بھارت کو انسانی حقوق کی خلاف ورزیوں پر جوابدہ ٹھہرایا جائے۔
انہوں نے کہا کہ جنوبی ایشیا میں پائیدار امن کا دار و مدار مسئلہ کشمیر کے منصفانہ اور پُرامن حل پر ہے، جبکہ بھارت کے حالیہ جارحانہ اقدامات خطے کے امن کے لیے سنگین خطرہ ہیں۔
صدرِ مملکت نے اس عزم کا اعادہ کیا کہ یومِ سیاہ کشمیر پر پوری پاکستانی قوم کشمیری عوام کے ساتھ اظہارِ یکجہتی کر رہی ہے اور ان کی حقِ خودارادیت کی جدوجہد میں شانہ بشانہ کھڑی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
