ایس پی عدیل اکبر کی موت کا معمہ حل، پولیس رپورٹ میں خودکشی کی تصدیق
WebDesk
27 اکتوبر, 2025 13:30
ایس پی عدیل اکبر کی موت کا معمہ حل، پولیس رپورٹ میں خودکشی کی تصدیق
اسلام آباد: ایس پی عدیل اکبر کی موت کے حوالے سے سامنے آنے والی پولیس انکوائری رپورٹ میں یہ بات سامنے آئی ہے کہ افسر نے خودکشی کی تھی۔
ذرائع کے مطابق انکوائری کمیٹی نے عدیل اکبر کے ڈرائیور، آپریٹر اور معالج سمیت تمام متعلقہ افراد کے بیانات قلم بند کیے ہیں۔
رپورٹ میں کہا گیا ہے کہ ایس پی عدیل اکبر طویل عرصے سے ذہنی دباؤ اور پیشہ ورانہ تناؤ کا شکار تھے۔
ڈاکٹر کے بیان کے مطابق عدیل اکبر "ڈیپ روٹیڈ اسٹریس” میں مبتلا تھے اور کئی بار خودکشی کے خیالات کا اظہار بھی کرچُکے تھے، معالج نے ان کی فیملی کو ہدایت دی تھی کہ انہیں اسلحے اور نوکیلی اشیاء سے دور رکھا جائے۔
رپورٹ میں انکشاف ہوا ہے کہ بلوچستان میں ایک انکوائری رپورٹ کے باعث عدیل اکبر دو بار ترقی سے محروم رہے، جس کا ان پر گہرا اثر پڑا۔ انہیں ڈیڑھ ماہ قبل اسلام آباد میں ایس پی انڈسٹریل ایریا کے طور پر تعینات کیا گیا تھا۔
تحقیقات کے مطابق واقعے سے کچھ دیر پہلے عدیل اکبر نے دفتر جانے سے قبل اپنے ڈرائیور اور آپریٹر کے ساتھ سیکرٹریٹ کا رخ کیا، مگر طے شدہ ملاقات نہ ہو سکی، اس کے بعد انہوں نے گاڑی میں واپس جا کر خود کو گولی مار کر زندگی کا خاتمہ کر لیا۔
پولیس رپورٹ میں کہا گیا ہے کہ ایس پی عدیل اکبر پیشہ ور افسر تھے، مگر پروموشن اور سابقہ انکوائریوں کے دباؤ نے ان کی ذہنی حالت کو شدید متاثر کیا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
