کراچی میں کیمیکل ملے دودھ کا کاروبار بے نقاب، مزید 7 دکانیں سیل
WebDesk
28 اکتوبر, 2025 13:15
کراچی میں ملاوٹ شدہ دودھ کا کاروبار بے نقاب، مزید 7 دکانیں سیل
کراچی: شہر بھر میں یوریا اور دیگر کیمیکل ملے دودھ کی فروخت کے خلاف آپریشن تیز کر دیا گیا ہے۔
تفصیلات کے مطابق حکام نے آج مزید 7 دکانیں سیل کر دیں، جس کے بعد دو دنوں میں سیل ہونے والی دکانوں کی مجموعی تعداد 27 ہوگئی۔
کمشنر کراچی حسن نقوی کی زیر صدارت اجلاس میں ڈی جی فوڈ اتھارٹی اور ضلعی انتظامیہ کے افسران نے شرکت کی، جس میں فیصلہ کیا گیا کہ ملاوٹ کے خلاف بلا امتیاز کارروائیاں جاری رہیں گی۔
ترجمان کمشنر نے بتایا کہ 3 دکانیں ضلع جنوبی، 3 شرقی اور ایک ملیر میں سیل کی گئی، ان دکانوں میں فروخت ہونے والے دودھ کے نمونوں میں یوریا اور دیگر نقصان دہ کیمیکلز کی موجودگی پائی گئی۔
ان کا کہنا تھا کہ مضر صحت دودھ بیچنے والوں کے خلاف سخت کارروائی ہوگی، سیل کی گئی دکانیں بھاری جرمانوں اور تحریری ضمانت کے بغیر نہیں کھولی جائیں گی۔
انتظامیہ کے مطابق شہریوں کی صحت کے تحفظ کیلئے ملاوٹ کے خلاف مہم مزید وسعت دی جا رہی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
