تنخواہ اور پنشن سے متعلق سرکاری ملازمین کیلئے بڑی خوشخبری آگئی
WebDesk
30 اکتوبر, 2025 14:46
Great news has arrived for government employees regarding salary and pension
پنجاب حکومت نے سرکاری ملازمین اور پنشنرز کے لیے ایک بڑی خوشخبری سنائی ہے۔
پنجاب حکومت نے فیصلہ کیا ہے کہ اکتوبر کی تنخواہیں اور پنشن معمول سے قبل ادا کی جائیں گی۔ پنجاب فنانس ڈیپارٹمنٹ کی جانب سے جاری کیے گئے نوٹیفکیشن میں کہا گیا ہے کہ 31 اکتوبر 2025 بروز جمعہ کو اکتوبر کی تنخواہیں اور پنشن جاری کی جائیں گی۔
نوٹیفکیشن میں کہا گیا ہے کہ یکم اور 2 نومبر بروز ہفتہ اور اتوار سرکاری تعطیلات ہیں، اس لیے تعطیلات سے قبل تنخواہوں اور پنشن کی بروقت ادائیگی کو یقینی بنانے کے لیے یہ فیصلہ کیا گیا ہے۔
یہ اہم فیصلہ سیکشن آفیسر (ایف آر) محمد یونس کے دستخط سے جاری مراسلے میں کیا گیا۔ اس مراسلے کے تحت اکاؤنٹنٹ جنرل پنجاب اور تمام ضلعی اکاؤنٹس افسران کو ہدایت کی گئی ہے کہ وہ تنخواہوں اور پنشن کی ادائیگی کا عمل 31 اکتوبر تک مکمل کر لیں۔
اس کے علاوہ یہ سرکلر تمام انتظامی سیکریٹریز، کمشنرز، ڈپٹی کمشنرز اور ماتحت محکموں کے سربراہان کو بھی بھیجا گیا ہے۔ لاہور ہائی کورٹ کے رجسٹرار، ڈسٹرکٹ اینڈ سیشن ججز، گورنر اور وزیراعلیٰ کے دفاتر کو بھی اس فیصلے سے آگاہ کر دیا گیا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
