خیبرپختونخوا کے انتہائی مطلوب دہشت گردوں کی فہرست تیار
WebDesk
30 اکتوبر, 2025 14:52
افغان طالبان کی پشت پناہی میں دہشت گرد گروہ کے خطرناک عزائم عالمی سطح پر بے نقاب
اسلام آباد: خیبرپختونخوا حکومت اور حساس اداروں نے مشترکہ طور پر صوبے کے انتہائی مطلوب اشتہاری دہشت گردوں کی فہرست تیار کرلی ہے، جو وفاقی وزارتِ داخلہ کو موصول ہوگئی ہے۔
ذرائع کے مطابق فہرست میں 1349 خطرناک دہشت گردوں کے کوائف شامل کیے گئے ہیں۔
ذرائع کا کہنا ہے کہ حکومت نے متعدد دہشت گردوں کے سروں کی قیمتیں بھی مقرر کی ہیں، فہرست میں شامل 59 دہشت گردوں کے سر کی قیمت ایک سے تین کروڑ روپے کے درمیان رکھی گئی ہے۔
اسلام آباد میں دستیاب تفصیلات کے مطابق کرم کے دہشت گرد کاظم خان کے سر کی قیمت 3 کروڑ روپے جبکہ کمانڈر امجد کے سر کی قیمت 2 کروڑ روپے مقرر کی گئی ہے۔
اسی طرح باجوڑ کے مولوی فقیر کا نام بھی فہرست میں شامل ہے، جس کے سر کی قیمت ڈیڑھ کروڑ روپے رکھی گئی ہے۔
ذرائع کے مطابق ان مطلوب دہشت گردوں کا تعلق پشاور، ڈیرہ اسماعیل خان، سوات اور صوبے کے دیگر حساس علاقوں سے ہے۔
یہ اقدام دہشت گردی کے خلاف جاری آپریشنز اور مطلوب عناصر کی گرفتاریوں میں تیزی لانے کے لیے اٹھایا گیا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
