پاکستان افغانستان سے امن کا خواہاں، قومی سلامتی پر کوئی سمجھوتہ نہیں ہوگا

پاکستان نے کہا ہے کہ وہ افغانستان سے امن کا خواہاں ہے مگر قومی سلامتی کے امور پر کوئی سمجھوتہ نہیں ہوگا۔

ترکیہ میں دوبارہ شروع ہونے والے مذاکرات مین افغان رجیمی کو ملک میں موجود فتنہ الخوارج کے ٹھکانوں کو ختم کرنا ہوگا۔

استنبول میں پاکستان نے انتہائی تدبر اور سنجیدگی سے میزبانوں کی درخواست پردوبارہ مذاکرات شروع کرنے پر رضامندی ظاہر کی ہے۔ مگر ایک طرف طالبان رجیم مذاکرات کے لیے دوست ممالک کے ذریعے بھیک مانگتی ہے اور دوسری طرف افغانستان سے انتہائی مطلوب فتنہ الخوارج کی دراندازی بھی جاری ہے۔

یہ افغان طالبان کاغیرسنجیدہ، غیر منتقی اورمنافقانہ طرز عمل کو ظاہر کرتا ہے ،کیونکہ مذاکرات کی بھیک مانگنے کے باوجود انتہائی مطلوب خارجی جو کہ نور ولی کا نائب ہے اسے افغانستان سے پاکستان میں دراندازی کی سہولت کاری فراہم کی گئی۔

طالبان رجیم کا یہ منافقانہ طرز عمل پاکستان کے موقف کی تائید ہے کہ طالبان رجیم دہشت گردوں کی سہولت کاری اور پشت پناہی ختم کرنے میں ہرگز سنجیدہ نہیں۔ پاکستان نے خطے میں امن کے قیام کیلئے ہر ممکن کوششں کیں مگر افغانستان سے دراندازی ہر گزقبول نہیں کی جائے گی اور دہشت گردوں کے

ٹھکانوں کو نیست و نابود کر دیا جائےگا۔

29اور30اکتوبر کی رات باجوڑ میں پاک افغان سرحد پر خوارج کے گروپ نے دراندازی کی کوشش کی۔ سیکیورٹی فورسز نے انتہائی مہارت اور پشہ ورانہ طریقے سے نہ صرف دہشت گردوں کی دراندازی کو ناکام بنایا بلکہ انتہائی مطلوب خارجی لیڈر امجد عرف مزاحم سمیت 4 خارجیوں کو جہنم واصل کر دیا۔

ہلاک خارجی کمانڈر امجد خارجی نور ولی کا نائب اور بھارتی پراکسی فتنہ الخوارج کی رہبری شوریٰ کا سربراہ تھا جو قانون نافذ کرنے والے اداروں کو انتہائی مطلوب تھا اور اس کے سر کی قیمت 50لاکھ مقرر تھی، خارجی امجد پاکستان میں دہشت گردانہ کارروائیوں میں ملوث تھا۔

اس مرتبہ ہونے والے مذاکرات میں طالبان رجیم  کو ٹھوس اقدامات کرنے ہوں گے تاکہ افغان سر زمین کو خوارج کے ذریعے پاکستان کے خلاف دہشت گردی کے لیے استعمال نہ ہونے دیا جائے۔شواہد سے واضح ہے کہ افغان سرزمین  مسلسل پاکستان مخالف سرگرمیوں میں استعمال ہو رہی ہے۔

بھارتی اسپانسرڈ فتنہ الخوارج اور ان کے سہولتکاروں کو نشان عبرت بنایا جائےگا ، افغانستان سے دہشت گردوں کی دراندازی کسی صورت قابل قبول نہیں ہے ۔پاکستان  ہمسایہ ممالک سے اچھے تعلقات کا خواہاں ہے مگر قومی سلامتی  اور خودمختاری  پر کسی قسم کا کوئی سمجھوتا نہیں کیا جائےگا۔