ایک ساتھ دو چھٹیاں آگئیں؛ نوٹیفکیشن جاری

پنجاب بھر کی ماتحت عدالتوں میں یکم نومبر 2025 کو تعطیل کا اعلان کیا گیا ہے۔

یکم نومبر 2025 کو تعطیل کا فیصلہ پنجاب بار کونسل کے انتخابات کے پیش نظر کیا گیا ہے۔ نوٹیفکیشن کے مطابق چونکہ یکم نومبر کو پنجاب بار کونسل کے انتخابات ہوں گے، اس لیے تمام ماتحت عدالتوں میں چھٹی ہوگی۔

پنجاب بار کونسل کے انتخابات کی تیاریاں عروج پر ہیں اور وکلاء کے درمیان سیاسی سرگرمیاں تیز ہو گئی ہیں۔ پنجاب بار کونسل کی نشستوں پر کئی امیدوار میدان میں ہیں، جس سے انتخابی جوڑ توڑ اور سرگرمیاں مزید بڑھ چکی ہیں۔

 لاہور، راولپنڈی، فیصل آباد، ملتان، گوجرانوالہ، بہاولپور، ڈیرہ غازی خان، سرگودھا اور ساہیوال کے ڈویژنوں میں پولنگ اسٹیشن قائم کیے جائیں گے تاکہ انتخابات کے عمل کو آسان بنایا جا سکے۔ پنجاب بار کونسل کے انتخابات میں صوبہ بھر سے 341 امیدوار حصہ لے رہے ہیں، جن میں لاہور ڈویژن سے 93 امیدواروں کے درمیان سخت مقابلہ متوقع ہے۔

نارووال میں حضرت پیر سید جماعت علی شاہ لاثانیؒ کے عرس پر تعطیل

دوسری جانب پنجاب کے ضلع نارووال میں حضرت پیر سید جماعت علی شاہ لاثانیؒ کے سالانہ عرس کے موقع پر یکم نومبر کو عام تعطیل کا اعلان کیا گیا ہے۔ عرس کی تقریبات کی وجہ سے ضلع بھر میں دو روزہ تعطیلات ہوں گی۔ اس حوالے سے ڈپٹی کمشنر سید حسن رضا کی جانب سے باقاعدہ نوٹیفکیشن جاری کر دیا گیا ہے۔