بلوچستان میں سیکیورٹی فورسز کی دو کارروائیاں، 18 دہشتگرد ہلاک
WebDesk
30 اکتوبر, 2025 12:10
وانا: کیڈٹ کالج میں افغان خوارج کے خلاف آپریشن جاری، سیکیورٹی ذرائع
سیکیورٹی فورسز نے بلوچستان میں دو مختلف کارروائیاں کیں جس میں فتنہ الہندوستان کے 18 دہشتگرد ہلاک ہوئے۔
پاک فوج کے شعبہ تعلقاتِ عامہ (آئی ایس پی آر) کی جانب سے جاری کردہ بیان کے مطابق یہ کارروائیاں 28 اور 29 اکتوبر کو کی گئیں۔
آئی ایس پی آر نے بتایا کہ پہلا انٹیلی جنس بیسڈ آپریشن کوئٹہ کے چلتن پہاڑوں پر کیا گیا، جہاں فائرنگ کے تبادلے میں 14 دہشتگرد مارے گئے جبکہ دوسری کارروائی ضلع کیچ کے علاقے بولیدہ میں کی گئی، جس میں 4 دہشتگردوں کو ہلاک کیا گیا۔
آئی ایس پی آر نے کہا کہ دہشتگردوں سے اسلحہ اور بارودی مواد بھی برآمد کیا گیا، فورسز نے علاقے کو مکمل طور پر کلیئر کر دیا جبکہ مزید سرچ آپریشن جاری ہے۔
وزیراعظم کا سیکیورٹی فورسز کو خراجِ تحسین
اسلام آباد: وزیراعظم شہباز شریف نے بلوچستان میں سیکیورٹی فورسز کی کامیاب کارروائیوں پر خراجِ تحسین پیش کیا ہے۔
وزیراعظم نے کہا کہ دہشت گردی کے خلاف جنگ میں پوری قوم اپنی سیکیورٹی فورسز کے ساتھ کھڑی ہے، سیکیورٹی فورسز کے عزم، بہادری اور قربانیوں کو سلام پیش کرتے ہیں۔
انہوں نے اس عزم کا اعادہ کیا کہ ملک سے ہر قسم کی دہشت گردی کے مکمل خاتمے کے لیے حکومت پرعزم ہے۔
ان کا کہنا تھا کہ پاکستان کی سلامتی اور امن کے لیے فورسز کی قربانیاں قوم کا فخر ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
