پاک افغان سرحدیں کھولنے کا فیصلہ بعد میں کیا جائے گا، وفاقی وزیر اطلاعات
WebDesk
31 اکتوبر, 2025 08:10
وفاقی وزیر اطلاعات عطا تارڑ نے کہا ہے کہ پاک افغان سرحدیں کھولنے کا فیصلہ بعد میں کیا جائے گا۔
تفصیلات کے مطابق عطا تارڑ نے پاکستان اور افغان طالبان مذاکرات کے مشترکہ اعلامیے پر ردعمل دیتے ہوئے کہا کہ پاکستان کو اب نیا فورم میسر ہوگا جہاں دہشت گردی کے ثبوت پیش کیے جائیں گے۔
انہوں نے کہا کہ قطر اور ترکیے کی مدد سے دوبارہ مذاکرات شروع ہوئے، دوست ممالک پاکستان کو قدر کی نگاہ سے دیکھتے ہیں۔
ان کا کہنا تھا کہ افغان طالبان کو یہ بات ماننا پڑی کہ دہشتگرد کارروائیاں بندہوں گی اور ہمیں امید ہے اب دہشت گرد کارروائیاں نہیں ہوں گی۔
وفاقی وزیر اطلاعات نے کہا کہ جنگ بندی خلاف ورزی کرنے والے فریق کے خلاف سزا کا تعین کیا جائے گا۔
انہوں نے مزید کہا کہ جنگ بندی میں افغان طالبان کی جانب سے فتنہ الخوارج کے خلاف کارروائیاں بھی شامل ہیں، افغان طالبان کو یقینی بنانا ہوگا کہ انکی سرزمین پاکستان کے خلاف استعمال نہ ہو۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
