شہرِ قائد میں تین روز کے دوران موسم قدرے گرم رہنے کا امکان
WebDesk
31 اکتوبر, 2025 13:45
شہرِ قائد میں تین روز کے دوران موسم قدرے گرم رہنے کا امکان
کراچی: محکمہ موسمیات نے پیش گوئی کی ہے کہ شہرِ قائد میں آنے والے تین روز کے دوران موسم قدرے گرم رہنے کا امکان ہے۔
محکمہ موسمیات کے مطابق درجہ حرارت میں معمولی اضافہ ریکارڈ کیا جا سکتا ہے، تاہم مجموعی طور پر موسم خشک اور جزوی طور پر گرم رہے گا۔
محکمہ موسمیات نے بتایا کہ بحیرہ عرب میں موجود ڈپریشن شمال مشرق کی سمت بڑھ رہا ہے اور اس وقت کراچی سے تقریباً 712 کلومیٹر جبکہ بھارتی ریاست گجرات سے 330 کلومیٹر کے فاصلے پر ہے، پاکستان کے کسی ساحلی علاقے کو اس موسمی نظام سے کوئی خطرہ لاحق نہیں۔
محکمہ موسمیات نے کہا کہ اگلے 24 گھنٹوں میں یہ سسٹم مزید کمزور پڑنے کا امکان ہے، جس کے بعد سمندری ہواؤں کی رفتار میں کمی واقع ہوگی، شمال مشرق سے چلنے والی ہوائیں 10 سے 15 کلومیٹر فی گھنٹہ کی رفتار سے چل سکتی ہیں۔
محکمہ موسمیات کا مزید کہنا ہے کہ مجموعی طور پر موسم خشک اور معمولی حد تک گرم رہے گا، جبکہ شہریوں کو دن کے اوقات میں دھوپ سے بچاؤ کی احتیاط برتنے کی ہدایت کی گئی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
