آزاد کشمیر میں سیاسی گرما گرمی برقرار، وزیراعظم چوہدری انوارالحق کے خلاف تحریک عدم اعتماد مزید تاخیر کا شکار
WebDesk
01 نومبر, 2025 15:07
وزیراعظم آزاد کشمیر کیخلاف تحریک عدم اعتماد جمع کروائے گی
آزاد کشمیر کے سیاسی منظرنامے میں غیر یقینی کی فضا برقرار ہے، وزیراعظم چوہدری انوارالحق کے خلاف مجوزہ تحریکِ عدم اعتماد ایک بار پھر مؤخر ہونے کا امکان ہے۔
ذرائع کے مطابق آئندہ 3 سے 4 روز تک بھی تحریک پیش کیے جانے کے امکانات نہ ہونے کے برابر ہیں۔
ذرائع کا کہنا ہے کہ پیپلز پارٹی کے اندر اس معاملے پر ابھی تک کوئی حتمی فیصلہ نہیں ہوسکا، فارورڈ بلاک سے پیپلز پارٹی میں شامل ہونے والے چند ارکان نے پارٹی کی غیر یقینی حکمتِ عملی پر تشویش کا اظہار کیا ہے، جبکہ بعض نے اپنی شمولیت کو جلد بازی کا فیصلہ قرار دیا۔
اطلاعات کے مطابق پیپلز پارٹی کے اراکین کشمیر ہاؤس میں موجود ہیں اور قیادت سے آئندہ لائحہ عمل کے حوالے سے مشاورت جاری ہے۔
ذرائع کا کہنا ہے کہ بلاول بھٹو زرداری ہی تحریک عدم اعتماد پیش کرنے یا مؤخر کرنے سے متعلق حتمی فیصلہ کریں گے۔
یاد رہے کہ مسلم لیگ (ن) اور پیپلز پارٹی نے وزیراعظم چوہدری انوارالحق کے خلاف تحریکِ عدم اعتماد پر اتفاق کیا تھا، تاہم مسلم لیگ (ن) نے واضح کردیا ہے کہ وہ حکومت سازی میں پیپلز پارٹی کا ساتھ نہیں دے گی اور اپوزیشن میں بیٹھنے کا فیصلہ کرچکی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
