افغان مہاجرین کی باعزت واپسی کا عمل تیز، مزید ہزاروں افراد سرحد عبور کر گئے
WebDesk
01 نومبر, 2025 17:00
طورخم بارڈر ایک ماہ بعد مسافروں کیلئے دوبارہ کھول دیا گیا
پاکستان سے افغان مہاجرین کی باعزت وطن واپسی کا سلسلہ تیزی سے جاری ہے۔
سرکاری اعداد و شمار کے مطابق گزشتہ ایک روز میں تقریباً 10 ہزار 700 افغان مہاجرین چمن بارڈر کے راستے افغانستان واپس گئے۔
حکام کے مطابق واپسی کا عمل پہلے چمن سرحد سے جاری تھا، تاہم آج سے طورخم بارڈر سے بھی افغان شہریوں کو وطن بھیجنے کا سلسلہ شروع کر دیا گیا ہے۔ گزشتہ چند مہینوں میں تقریباً 15 لاکھ 60 ہزار افراد اپنے ملک واپس جا چکے ہیں۔
حکومتی ذرائع کا کہنا ہے کہ مہاجرین کی واپسی قانونی طریقہ کار کے مطابق کی جا رہی ہے۔ سرحد پر آنے والے ہر شخص کے دستاویزات کی تصدیق کے بعد ہی انہیں افغانستان جانے کی اجازت دی جا رہی ہے۔
انتظامیہ کے مطابق افغان شہریوں کے لیے رہائش، کھانا اور بنیادی سہولیات بھی فراہم کی جارہی ہیں تاکہ انہیں واپسی کے دوران کسی مشکل کا سامنا نہ ہو۔ ایف سی اور سول ادارے اس عمل کی نگرانی کر رہے ہیں۔
پاکستان نے گزشتہ 40 سال تک افغان مہاجرین کو جگہ دی اور انہیں ہر ممکن سہولت فراہم کی۔ حکام کا کہنا ہے کہ پاکستان نے بھائی چارے اور انسانیت کی مثال قائم کی، تاہم اب یہ فیصلہ قومی سلامتی کو مدنظر رکھتے ہوئے کیا گیا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
