افغان طالبان بیرونی عناصر کی “پراکسی” کے طور پر کردار ادا کر رہے ہیں، وزیر دفاع
WebDesk
02 نومبر, 2025 08:15
بھارت کے ساتھ کشیدگی برقرار ہے جبکہ جنگ کا خطرہ ابھی ٹلا نہیں، وزیر دفاع
اسلام آباد: وفاقی وزیر دفاع خواجہ آصف نے کہا ہے کہ افغان طالبان بیرونی عناصر کی “پراکسی” کے طور پر کردار ادا کر رہے ہیں۔
تفصیلات کے مطابق وفاقی وزیر دفاع خواجہ آصف نے اپنے جاری کردہ ایک بیان میں کہا کہ پاکستانی قوم، سیاسی اور عسکری قیادت افغانستان سے متعلق پالیسی پر مکمل ہم آہنگی رکھتی ہے، اور قومی سطح پر ایک جامع حکمتِ عملی پر اتفاقِ رائے موجود ہے۔
انہوں نے کہا کہ خیبرپختونخوا کے عوام بھارتی پراکسیوں کی دہشت گردی سے بخوبی واقف ہیں، اس معاملے پر کوئی ابہام نہیں۔
ان کا کہنا تھا کہ افغان طالبان کی غیر نمائندہ حکومت اس وقت شدید اندرونی دھڑے بندی کا شکار ہے۔
خواجہ آصف نے کہا کہ افغانستان میں خواتین، بچوں، تعلیم اور نمائندگی کے حقوق سلب کیے جا رہے ہیں، جبکہ چار برس گزرنے کے باوجود طالبان عالمی برادری سے کیے گئے وعدے پورے نہیں کر سکے۔
وفاقی وزیر دفاع کا کہنا تھا کہ افغان طالبان اب بھی بیرونی عناصر کی پراکسی کے طور پر کردار ادا کر رہے ہیں، جبکہ پاکستان کی افغان حکمتِ عملی قومی مفاد، علاقائی امن اور استحکام کے حصول کے لیے ہے۔
انہوں نے واضح کیا کہ پاکستان سرحد پار دہشت گردی کے خلاف فیصلہ کن اقدامات جاری رکھے گا۔
ان کا مزید کہنا تھا کہ جھوٹے بیانات سے حقائق نہیں بدلتے، عملی اقدامات ہی اعتماد کی بنیاد ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
