پشاور میں سی ٹی ڈی تھانے کے مال خانے میں دھماکا، ایک اہلکار شہید، 2 زخمی
WebDesk
02 نومبر, 2025 10:00
پشاور میں فیڈرل کانسٹیبلری ہیڈ کوارٹر پر دہشتگردوں کا حملہ
پشاور: سی ٹی ڈی تھانے کے مال خانے میں پرانا بارودی مواد پھٹنے سے زوردار دھماکا ہوا، جس کے نتیجے میں ایک اہلکار شہید اور دو زخمی ہوگئے۔
ابتدائی اطلاعات کے مطابق مال خانے میں رکھا پرانا ایمونیشن شارٹ سرکٹ کے باعث پھٹ گیا، جس سے آگ بھڑک اٹھی اور مزید دھماکے ہونے لگے۔
سی سی پی او میاں سعید کے مطابق تھانے میں موجود چار ملزمان کو محفوظ مقام پر منتقل کر دیا گیا، جبکہ عملہ اور قیدیوں کو بھی نکال لیا گیا۔
دھماکے سے عمارت کا ایک حصہ منہدم ہو گیا، سیکیورٹی فورسز نے علاقے کو گھیرے میں لے کر امدادی کارروائیاں شروع کر دی ہیں۔
وزیر اعلیٰ خیبرپختونخوا سہیل آفریدی نے واقعے کا نوٹس لے لیا
پشاور میں تھانہ سی ٹی ڈی کے اندر ہونے والے دھماکے پر وزیر اعلیٰ خیبر پختونخوا سہیل آفریدی نے سخت نوٹس لے لیا۔
ترجمان کے مطابق وزیر اعلیٰ نے آئی جی پولیس سے واقعے کی ابتدائی رپورٹ فوری طور پر طلب کرلی ہے۔
سہیل آفریدی نے دھماکے کی وجوہات جاننے اور آئندہ ایسے واقعات کی روک تھام کے لیے حفاظتی اقدامات مزید مؤثر بنانے کی ہدایت کی۔
انہوں نے کہا کہ سی ٹی ڈی اہلکار کی شہادت انتہائی افسوسناک ہے، سیکیورٹی اور سیفٹی پروٹوکول پر سختی سے عمل درآمد یقینی بنایا جائے۔
انہوں نے زخمی اہلکاروں کی جلد صحت یابی کے لیے دعا کی اور انتظامیہ کو بہترین طبی سہولیات فراہم کرنے کی ہدایت بھی جاری کی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
