اتوار، 30-نومبر،2025
اتوار 1447/06/09هـ (30-11-2025م)

کراچی میں ٹریفک پولیس اہلکار کا ‘ای چالان’ سے بچنے کیلئے انوکھا طریقہ!! وائرل ویڈیو دیکھیں

03 نومبر, 2025 11:40

کراچی میں ٹریفک پولیس اہلکار کی ایک ویڈیو سوشل میڈیا پر وائرل ہوگئی ہے، جس میں وہ خود ای چالان کے نظام سے بچنے کے لیے اپنی موٹر سائیکل کی نمبر پلیٹ پر موجود نمبرز کو غائب کرتا ہوا دکھائی دے رہا ہے۔

یہ واقعہ ایک شہری نے ایکسپو سینٹر کے قریب کیمرے میں قید کر کے سوشل میڈیا پر شیئر کیا، جس کے بعد ویڈیو تیزی سے پھیل گئی۔

ویڈیو میں دیکھا جا سکتا ہے کہ ٹریفک پولیس اہلکار اپنی موٹر سائیکل کی نمبر پلیٹ میں موجود نمبرز کو کسی طور پر چھپانے کی کوشش کر رہا ہے۔

اس کے علاوہ، اہلکار کو بائیں طرف مڑتے ہوئے دائیں طرف کا انڈیکیٹر آن کیے ہوئے بھی دکھایا گیا ہے، جو کہ ٹریفک قوانین کی خلاف ورزی کی عکاسی کرتا ہے۔

اس ویڈیو نے سوشل میڈیا پر ایک نئی بحث چھیڑ دی ہے، جہاں صارفین نے ٹریفک پولیس اہلکار کی اس حرکت پر سوالات اٹھائے ہیں اور ای چالان سسٹم کے نفاذ کے باوجود خود پولیس اہلکاروں کی جانب سے قوانین کی خلاف ورزی پر تنقید کی ہے۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔