کراچی: رینجرز کی کارروائی، فتنہ الخوارج کے 3 دہشتگرد گرفتار

WebDesk

03 نومبر, 2025 12:00

کراچی میں سندھ رینجرز نے خفیہ اطلاع پر کارروائی کرتے ہوئے فتنہ الخوارج سے تعلق رکھنے والے تین دہشتگردوں کو گرفتار کر لیا۔

ترجمان رینجرز کے مطابق یہ کارروائی کنواری کالونی، منگھو پیر روڈ پر کی گئی۔

گرفتار دہشت گردوں میں زید اللہ عرف زیدو، نور زادہ اور حضرت عثمان شامل ہیں، جو بھتہ خوری اور زمینوں پر قبضوں میں ملوث تھے، ان کا تعلق فتنہ الخوارج کے امیر شمس القیوم سے بتایا جا رہا ہے۔

ترجمان رینجرز نے بتایا کہ زیدو کو ایکسائز کورنگی اور اے این ایف (اینٹی نارکوٹکس فورس) کی جانب سے بھی مطلوب تھا، گرفتار دہشتگردوں کو مزید قانونی کارروائی کے لئے پولیس کے حوالے کر دیا گیا ہے۔