تیز ہواؤں اور گرج چمک کے ساتھ بارشیں؛ نیا شروع ہونے والا سلسلہ کتنا طویل ہو گا؟
WebDesk
03 نومبر, 2025 17:40
Rains with strong winds and thunderstorms — how long will the new spell last?
محکمہ موسمیات نے پیشگوئی کی ہے کہ ملک کے شمالی اور بالائی علاقوں میں 4 نومبر سے بارشوں اور برفباری کا سلسلہ شروع ہوگا۔
رپورٹ کے مطابق آج رات سے مغربی ہواؤں کا نیا سلسلہ ملک کے بالائی حصوں میں داخل ہوگا، جو 5 نومبر تک جاری رہنے کا امکان ہے۔ ان ہواؤں کے باعث مختلف علاقوں میں موسم سرد اور خوشگوار ہوجائے گا۔
محکمہ موسمیات کے مطابق چترال، دیر، سوات، کوہستان، ایبٹ آباد اور ہری پور میں بارش کا امکان ہے۔ اسی طرح صوابی، پشاور، مردان، کوہاٹ، کشمیر اور مظفر آباد میں بھی بارش اور پہاڑی علاقوں میں برفباری کی پیشگوئی کی گئی ہے۔
اسلام آباد اور راولپنڈی سمیت مری، اٹک، چکوال، تلہ گنگ اور جہلم میں بھی کل سے بادل برسنے کی توقع ہے۔ سرگودھا، خوشاب، گوجرانوالہ، سیالکوٹ، نارووال اور لاہور میں گرج چمک کے ساتھ ہلکی سے درمیانی بارش کا امکان ظاہر کیا گیا ہے۔
محکمہ موسمیات کے مطابق بارشوں کے بعد درجہ حرارت میں واضح کمی آئے گی اور سردی کی شدت بڑھ جائے گی۔ بارشوں کے اس سلسلے سے اسموگ میں کمی آنے کی بھی امید ہے، خاص طور پر پنجاب کے میدانی علاقوں میں فضائی معیار بہتر ہوسکتا ہے۔
شہریوں کو مشورہ دیا گیا ہے کہ وہ موسم کی صورتحال پر نظر رکھیں اور غیر ضروری سفر سے گریز کریں، خاص طور پر پہاڑی علاقوں میں برفباری کے باعث راستے بند ہوسکتے ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
