کالعدم ٹی ایل پی کے گزشتہ انتخابات کے امیدواروں کا جماعت سے دستبرداری کا اعلان
WebDesk
04 نومبر, 2025 16:37
کالعدم ٹی ایل پی کے گزشتہ انتخابات کے امیدواروں کا جماعت سے دستبرداری کا اعلان
لاہور: کالعدم تحریک لبیک پاکستان (ٹی ایل پی) کے گزشتہ انتخابات میں حصہ لینے والے متعدد امیدواروں نے جماعت سے علیحدگی کا اعلان کر دیا۔
لاہور میں پریس کانفرنس سے خطاب کرتے ہوئے سابق امیدوار بیرسٹر عثمان خضر مانگٹ نے کہا کہ ہم تشدد اور ریاست مخالف اقدامات کی مذمت کرتے ہیں اور ریاست کے ساتھ کھڑے ہیں۔
ان کا کہنا تھا کہ ہم پر کسی قسم کا دباؤ نہیں، فیصلہ سوچ سمجھ کر کیا ہے۔ انہوں نے کہا کہ ریاست پر حملہ کرکے کوئی جماعت سیاست نہیں کر سکتی، اور ریاست کو خطرہ لاحق ہو تو سیاست بے معنی ہو جاتی ہے۔
بیرسٹر عثمان خضر مانگٹ نے مزید کہا کہ حالیہ واقعات میں مسلح جتھوں نے اسکول وینز تک چھیننے کی کوشش کی، ایسے اقدامات کسی صورت قبول نہیں۔
سابق امیدواروں نے واضح کیا کہ وہ قانون کی بالادستی اور پرامن سیاسی جدوجہد پر یقین رکھتے ہیں اور مستقبل میں بھی ریاستی اداروں کے ساتھ تعاون جاری رکھیں گے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
