اسلام آباد میں ڈرائیونگ لائسنس کا نیا نظام، شہریوں کو ناکوں پر لرنر پرمٹ کی سہولت
WebDesk
04 نومبر, 2025 14:45
Alarm Bells Ring for Those Without a Driving License
اسلام آباد: ٹریفک پولیس نے شہریوں کی سہولت کے لیے ڈرائیونگ لرنر لائسنس جاری کرنے کا نیا طریقہ کار متعارف کروا دیا۔ اب شہری اہم ناکوں پر ہی لرنر پرمٹ حاصل کر سکیں گے۔
اسلام آباد ٹریفک پولیس کے مطابق یہ اقدام ڈرائیونگ لائسنس مہم کے دوسرے مرحلے کا حصہ ہے۔ زیرو پوائنٹ، فیض آباد، جی-14 اور دفترِ خارجہ کے ناکوں پر خصوصی فیسلیٹیشن وینز تعینات کر دی گئی ہیں۔ جس پر موجود عملہ موقع پر ہی شہریوں کو لرنر پرمٹ جاری کرے گا۔
چیف ٹریفک آفیسر حمزہ ہمایوں نے اپنے بیان میں کہا کہ بغیر لائسنس گاڑی چلانے والوں کے خلاف کارروائی جاری رہے گی، تاہم شہریوں کو وہیں پر لائسنس حاصل کرنے کی سہولت بھی دی جا رہی ہے۔
ترجمان پولیس کے مطابق اس اقدام کا مقصد شہریوں کو آسان اور شفاف سروس فراہم کرنا، اور ڈرائیونگ قوانین کی پابندی کو فروغ دینا ہے۔ اس سے قبل ٹریفک پولیس ہیڈکوارٹر اور فیض آباد آفس میں 15 اضافی سروس ڈیسک بھی قائم کی گئی تھیں جو شام 6 بجے کے بعد بھی فعال رہتی ہیں۔
ترجمان نے کہا کہ شہریوں کو بہتر سہولیات دینا اور محفوظ ڈرائیونگ کلچر کو فروغ دینا ٹریفک پولیس کی ترجیح ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
