ڈمپر ایسوسی ایشن کے صدر لیاقت محسود نے ہائی ویز بند کرنے کی دھمکی دیدی
WebDesk
04 نومبر, 2025 10:47
ڈمپر ایسوسی ایشن کے صدر لیاقت محسود نے ہائی ویز بند کرنے کی دھمکی دیدی
کراچی: رامسوامی میں پیش آنے والے افسوسناک ٹریفک حادثے اور مشتعل ہجوم کی جانب سے ڈمپر کو جلانے کے واقعے کے بعد ڈمپر ایسوسی ایشن کے صدر لیاقت محسود نے احتجاجی دھرنے کا اعلان کر دیا ہے۔
تفصیلات کے مطابق رامسوامی کے علاقے میں ڈمپر کی ٹکر سے ایک شخص جاں بحق جبکہ اس کی اہلیہ زخمی ہوگئی، جس کے بعد مشتعل شہریوں نے ڈمپر کو آگ لگا دی۔ واقعے کی اطلاع ملنے پر ڈمپر ایسوسی ایشن کے صدر لیاقت محسود اپنے ساتھیوں کے ہمراہ جائے وقوعہ پر پہنچے۔
لیاقت محسود نے بتایا کہ انہیں رات گئے حادثے کی اطلاع ملی، انہوں نے فوری طور پر ایس ایس پی اور ایس ایچ او سے رابطہ کیا تاکہ صورتحال قابو میں لائی جا سکے، موقع پر پہنچنے پر 2 سے ڈھائی ہزار افراد موجود تھے جو شدید غصے میں تھے۔
انہوں نے الزام لگایا کہ ہجوم نے ان پر قاتلانہ حملے کی کوشش کی اور ان کی گاڑی پر پتھراؤ کیا، جس پر ان کے گارڈ کو ہوائی فائرنگ کرنا پڑی تاکہ جان بچائی جا سکے۔
ڈمپر ایسوسی ایشن کے صدر نے خبردار کیا کہ اگر حکومت اور انتظامیہ نے واقعے کے ذمے داروں کے خلاف کارروائی نہ کی تو آج سہ پہر تین بجے سے شہر کی اہم شاہراہیں بند کر دی جائیں گی۔
پولیس حکام کے مطابق واقعے کی تحقیقات جاری ہیں اور علاقے میں سیکیورٹی بڑھا دی گئی ہے تاکہ کسی بھی ناخوشگوار صورتحال سے بچا جا سکے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
