کراچی میں ڈمپر مافیا کی اندھی دوڑ جاری، نشتر روڈ پر ڈمپر کی ٹکر سے نوجوان جاں بحق
WebDesk
04 نومبر, 2025 07:52
کراچی: ڈمپر نے دو افراد کو کچل کر موت کے منہ میں دھکیل دیا
کراچی کے علاقے نشتر روڈ پر تیز رفتار ڈمپر کی ٹکر سے شاہزیب نامی نوجوان موقع پر ہی جاں بحق ہوگیا، حادثے کے بعد علاقہ مکین مشتعل ہوگئے اور انہوں نے ڈمپر کو آگ لگا دی۔
پولیس نے بتایا کہ متوفی شاہ زیب گارڈن کا رہائشی تھا، شہری کی لاش اور زخمی خاتون کو اسپتال منتقل کردیا گیا۔
پولیس کے مطابق ڈمپر ڈرائیور کو گرفتار کرلیا گیا ہے جبکہ صورتِ حال پر قابو پانے کے لیے اضافی نفری تعینات کردی گئی ہے۔
واقعے کے بعد ڈمپر ایسوسی ایشن کے رہنما لیاقت محسود مسلح گارڈز کے ہمراہ موقع پر پہنچے تو حالات مزید کشیدہ ہوگئے، احتجاج کے دوران لیاقت محسود کے گارڈ کی جانب سے سرِعام فائرنگ بھی کی گئی، جس سے علاقے میں خوف و ہراس پھیل گیا۔
بعد ازاں گارڈن رام سوامی کے قریب مشتعل افراد نے ڈمپر کو دوبارہ آگ لگادی۔ پولیس نے مظاہرین کو منتشر کرنے کے لیے کارروائی شروع کردی ہے جبکہ واقعے کی تحقیقات جاری ہیں۔
متوفی کے والد محمد شاہد نے بتایا کہ شاہزیب کی 4 ماہ قبل شادی ہوئی تھی اور وہ 6 بہن بھائیوں میں تیسرے نمبر پر تھا، اور صدر بوہری بازار میں کپڑے کے دکان پر کام کرتا تھا۔
متوفی کو آج بعد نماز ظہر میوہ شاہ قبرستان میں سپردخاک کیا جائے گا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
