ننکانہ صاحب میں بابا گورو نانک کے جنم دن پر 5 نومبر کو عام تعطیل کا اعلان

WebDesk

04 نومبر, 2025 12:36

ننکانہ صاحب میں بابا گورو نانک کے جنم دن پر 5 نومبر کو عام تعطیل کا اعلان

Employees Rejoice: Announcement of 5 Consecutive Holidays

ضلع ننکانہ صاحب میں بابا گورو نانک کے 556 ویں جنم دن کے موقع پر 5 نومبر کو عام تعطیل ہوگی۔

ڈپٹی کمشنر ننکانہ تسلیم اختر راؤ نے اس سلسلے میں نوٹیفکیشن جاری کیا ہے۔ جس کے مطابق ضلع کے تمام سرکاری ادارے، اسکول اور کالجز اس دن بند رہیں گے۔

واضح رہے کہ ننکانہ صاحب میں بابا گورو نانک کے جنم دن کی 3 روزہ تقریبات کا آغاز ہو چکا ہے۔ اندرون و بیرون ملک سے ہزاروں سکھ یاتری مرکزی تقریب میں شریک ہونگے۔

ضلعی انتظامیہ نے یاتریوں کی حفاظت کے لیے فول پروف سیکیورٹی انتظامات کیے ہیں۔ تقریب میں 5 ہزار سے زائد افسران اور اہلکار تعینات ہوں گے۔ اس کے علاوہ سہولت مرکز، بینک اور منی ایکسچینج کے قیام کا بھی بندوبست کیا گیا ہے تاکہ یاتریوں کو آسانیاں فراہم کی جا سکیں۔