پنک اسکوٹیز سے متعلق سندھ حکومت نے بڑی خوشخبری سنا دی

WebDesk

04 نومبر, 2025 14:35

پنک اسکوٹیز سے متعلق سندھ حکومت نے بڑی خوشخبری سنا دی

سندھ حکومت نے خواتین کے لیے مفت پنک اسکوٹیز کی فراہمی کے دوسرے مرحلے کا اعلان کر دیا ہے۔

سینئر صوبائی وزیر شرجیل میمن کے مطابق پروگرام جلد دوبارہ شروع کیا جا رہا ہے اور خواتین کو چاہیے کہ وہ ڈرائیونگ لائسنس بنوائیں اور ٹریننگ سیشن میں حصہ لیں۔

شرجیل میمن نے کہا کہ محکمہ ٹرانسپورٹ خواتین کو مفت ڈرائیونگ ٹریننگ اور لائسنس فراہم کر رہا ہے، تاکہ وہ بآسانی پروگرام کا حصہ بن سکیں۔ ان کا کہنا تھا کہ اس منصوبے کا مقصد خواتین اور طالبات کو سفر کی سہولت فراہم کرنا اور انہیں بااختیار بنانا ہے۔

واضح رہے کہ 23 ستمبر 2025 کو ہونے والے اجلاس میں فیصلہ کیا گیا تھا کہ پنک اسکوٹیز پروگرام کا دوسرا مرحلہ شروع کیا جائے گا۔ درجنوں خواتین پہلے ہی ٹریننگ مکمل کر کے لائسنس حاصل کر چکی ہیں۔