گاڑیوں کے شوقین پاکستانیوں کیلئے انتہائی بُری خبر سامنے آگئی
A big piece of good news has come for car enthusiasts in Pakistan
پاکستان میں گاڑیوں کے شوقین افراد کیلئے ایک بری خبر سامنے آئی ہے۔
پاک سوزوکی موٹر کمپنی نے خاموشی سے اپنی مقامی گاڑیوں کی فہرست سے ایک اور ماڈل ہٹا دیا ہے۔ کمپنی کی طرف سے اس بارے میں کوئی باضابطہ اعلان نہیں کیا گیا۔
سوشل میڈیا رپورٹس کے مطابق سوزوکی نے سوزوکی ایوری وی ایکس ماڈل کی پیداوار بند کر دی ہے۔ یہ ماڈل گزشتہ سال سوزوکی بولان کے متبادل کے طور پر متعارف ہوا تھا۔ بولان کئی سالوں تک پاکستان میں پسند کیا جاتا رہا ہے۔
رپورٹس کے مطابق سوزوکی پاکستان کی آفیشل ویب سائٹ سے وی ایکس ورژن کی قیمت اور تفصیلات ہٹا دی گئی ہیں۔ اب صرف وی ایکس آر ورژن دکھائی دے رہا ہے۔ حالیہ ہفتوں تک دونوں ماڈلز ویب سائٹ پر موجود تھے لیکن اب بنیادی یعنی وی ایکس ماڈل غائب ہو چکا ہے۔
یہ صورتحال ایسے وقت میں سامنے آئی ہے جب کمپنی نے ایوری وی ایکس آر پر 3 لاکھ 50 ہزار روپے کی رعایت کا اعلان کیا تھا۔ آفر میں وی ایکس ماڈل کا کوئی ذکر نہیں تھا، جس سے خیال کیا جا رہا ہے کہ کم طلب کے باعث یہ ماڈل بند کر دیا گیا ہے۔
ابھی تک کمپنی نے وی ایکس ماڈل بند کرنے کی وجہ بیان نہیں کی اور نہ ہی کوئی آفیشل وضاحت جاری کی گئی ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.










