کراچی میں ٹریلر کا خونی کھیل جاری؛ ایک اور نوجوان کی جان لے لی

WebDesk

05 نومبر, 2025 07:02

کراچی میں ٹریلر کا خونی کھیل جاری؛ ایک اور نوجوان کی جان لے لی

Bloody game of trailers continues in Karachi; another young man loses his life

کراچی میں ٹریلر کی ٹکر سے ایک اور نوجوان جان کی بازی ہار گیا۔

تفصیلات کے مطابق کراچی کے علاقے کورنگی ویٹا چورنگی کے قریب ایک افسوسناک حادثہ پیش آیا۔ ایک تیز رفتار ٹریلر نے موٹر سائیکل کو ٹکر مار دی، جس کے نتیجے میں دو بھائی شدید متاثر ہوئے۔

حادثے میں 30 سالہ عابد موقع پر ہی جاں بحق ہوگیا، جبکہ اس کا چھوٹا بھائی 26 سالہ صابر شدید زخمی ہوگیا۔

چھیپا رضاکار فوری طور پر جائے وقوعہ پر پہنچ گئے اور دونوں بھائیوں کو طبی امداد کے لیے جناح اسپتال منتقل کیا۔

اسپتال پہنچنے پر عابد کو مردہ قرار دے دیا گیا، جبکہ زخمی صابر کو ایمرجنسی وارڈ میں داخل کرلیا گیا ہے۔