پاسپورٹ اور شناختی کارڈ بنوانے والوں کے لیے خوشخبری

WebDesk

05 نومبر, 2025 11:37

پاسپورٹ اور شناختی کارڈ بنوانے والوں کے لیے خوشخبری

Great news has arrived for those who want to get their passport made

وزیر داخلہ محسن نقوی نے نادرا سینٹر فہد ٹاؤن اور پاسپورٹ آفس ڈیرہ گجراں کا دورہ کیا۔ اس موقع پر انہوں نے شہریوں کے مسائل سنے اور شناختی کارڈ اور پاسپورٹ کے حصول کے عمل کا جائزہ لیا۔

وزیر داخلہ نے کہا کہ شہریوں کو دستاویزات کے حصول میں کسی قسم کی مشکل نہیں ہونی چاہیے۔ انہوں نے ہدایت کی کہ پاسپورٹ اور دیگر شناختی دستاویزات کی ڈلیوری مقررہ مدت میں یقینی بنائی جائے۔

محسن نقوی نے یہ بھی کہا کہ خصوصی افراد کے کام کو خصوصی پروٹوکول کے تحت فوری طور پر نمٹایا جائے تاکہ انہیں کسی قسم کی پریشانی نہ ہو۔

انہوں نے نادرا اور پاسپورٹ آفس کے عملے کو ہدایت کی کہ شہریوں کی سہولت کو ہر صورت ترجیح دی جائے اور دستاویزات کے حصول کا عمل تیز اور شفاف بنایا جائے۔