ڈمپر ایسوسی ایشن صدر لیاقت محسود کی گرفتاری کیلیے چھاپے؛ گن مین گرفتار
WebDesk
05 نومبر, 2025 12:32
ڈمپر ایسوسی ایشن کے صدر لیاقت محسود نے ہائی ویز بند کرنے کی دھمکی دیدی
کراچی: گزشتہ روز رام سوامی کے علاقے میں ڈمپر حادثے کے بعد احتجاج کے دوران ڈمپر ایسوسی ایشن کے صدر لیاقت محسود کے گن مین نے فائرنگ کی، جس کے نتیجے میں علاقے میں خوف و ہراس پھیل گیا۔
پولیس نے فوری کارروائی کرتے ہوئے فائرنگ کرنے والے گن مین معراج کو گرفتار کر لیا۔ اس کے قبضے سے فائرنگ میں استعمال ہونے والا اسلحہ بھی برآمد کیا گیا۔
ڈسٹرکٹ سٹی پولیس کے ترجمان کے مطابق لیاقت محسود کی گرفتاری کے لیے چھاپے جاری ہیں اور جلد ہی اس کے خلاف مزید قانونی کارروائیاں کی جائیں گی۔ علاقے میں پولیس کی موجودگی بڑھا دی گئی ہے تاکہ امن و امان کی صورتحال بہتر ہو سکے۔
پولیس کے مطابق رام سوامی گزدر آباد اسپتال کے قریب شاہ زیب نامی نوجوان ایک ڈمپر کی ٹکر سے جاں بحق ہوا، جس پر علاقے کے مکین شدید مشتعل ہو گئے۔
لیاقت محسود اور ان کے محافظ موقع پر پہنچے تو مشتعل افراد نے ان کی گاڑی پر پتھراؤ کیا۔ اس دوران ان کے گن مین نے فائرنگ کر کے حالات کو مزید خراب کر دیا۔
پولیس نے بتایا کہ علاقے میں امن قائم کرنے کے لیے اضافی نفری تعینات کی گئی ہے اور متاثرہ خاندانوں کو انصاف فراہم کرنے کے لیے تحقیقات جاری ہیں۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
