کراچی میں ڈمپر حادثے پر احتجاج کرنے والے شہریوں پر فائرنگ کرنے والے گارڈ کو گرفتار کرلیا گیا
WebDesk
05 نومبر, 2025 10:02
کراچی میں ڈمپر حادثے پر احتجاج کرنے والے شہریوں پر فائرنگ کرنے والے گارڈ کو گرفتار کرلیا گیا
کراچی — رام سوامی میں ڈمپر حادثے کے بعد احتجاج کرنے والے شہریوں پر فائرنگ کرنے والا گارڈ گرفتار کرلیا گیا۔ واقعہ چند روز قبل پیش آیا تھا جب علاقے کے رہائشیوں نے ڈمپر کی ٹکر سے شہری کی ہلاکت پر سخت احتجاج کیا تھا۔
پولیس کے مطابق فائرنگ ڈمپر ایسوسی ایشن کے صدر لیاقت محسود کے گارڈ نے کی تھی۔ واقعے کے بعد ملزم موقع سے فرار ہوگیا تھا۔ پولیس نے جدید ٹیکنالوجی اور سی سی ٹی وی فوٹیج کی مدد سے ملزم کا سراغ لگایا اور اسے سہراب گوٹھ سے گرفتار کیا۔
پولیس کا کہنا ہے کہ گرفتار گارڈ سے اسلحہ بھی برآمد کرلیا گیا ہے اور مزید تفتیش جاری ہے۔
شہریوں کا کہنا ہے کہ ڈمپر حادثے روز کا معمول بنتے جارہے ہیں اور حکومت کو اس صورتحال پر فوری اقدامات کرنے چاہئیں۔
دوسری جانب پولیس نے ایم کیو ایم رہنما کامران فاروقی کے خلاف بھی پیکا ایکٹ کے تحت مقدمہ درج کرلیا ہے۔ پولیس کے مطابق حادثے کے بعد سوشل میڈیا پر وائرل ویڈیو میں کامران فاروقی نے پولیس اہلکار کو زندہ جلانے کی دھمکی دی تھی۔
پولیس حکام کا کہنا ہے کہ قانون ہاتھ میں لینے والوں کے خلاف کارروائی جاری رہے گی اور کسی کو بھی شہریوں کو خوفزدہ کرنے کی اجازت نہیں دی جائے گی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
