کراچی میں رینجرز کی خفیہ معلومات پر کارروائیاں، انتہائی مطلوب 3 ملزمان گرفتار

WebDesk

05 نومبر, 2025 11:48

کراچی میں رینجرز کی خفیہ معلومات پر کارروائیاں، انتہائی مطلوب 3 ملزمان گرفتار

کراچی: رینجرز کی کارروائی، فتنہ الخوارج کے 3 دہشتگرد گرفتار

کراچی: سندھ رینجرز نے خفیہ معلومات کی بنیاد پر کارروائی کرتے ہوئے تین ملزمان عابد سجاد، شوکت اور احمد شاہ عرف بیٹری کو گرفتار کر لیا۔ یہ کارروائیاں محمود آباد نمبر 5، مائی گڑی گوٹھ، اتحاد ٹاؤن اور نارتھ ناظم آباد میں کی گئیں۔

رینجرز کے ترجمان کے مطابق ملزمان موٹر سائیکل چوری، چھالیہ، اور ماوا کی غیر قانونی خرید و فروخت میں ملوث ہیں۔ مزید تحقیقات سے معلوم ہوا کہ یہ لوگ منشیات فروشی اور ڈکیتی کی متعدد وارداتوں میں بھی ملوث ہیں۔

ملزمان کے قبضے سے بغیر لائسنس پستول، ایمونیشن اور 500 گرام چرس برآمد ہوئی۔ گرفتار شدگان کو قانونی کارروائی کے لیے پولیس کے حوالے کر دیا گیا ہے۔