ای چالان پر تنقید کرنے والے سن لیں، حکومت کسی سے نہیں ڈرتی، شرجیل میمن
WebDesk
05 نومبر, 2025 15:13
لیاری میں ناقابلِ رہائش عمارتوں کو گرانا شروع کردیا ہے، شرجیل میمن
سندھ کے وزیر اطلاعات شرجیل انعام میمن نے کہا ہے کہ کراچی میں ای چالان سسٹم پر عمل درآمد حکومت کا درست قدم ہے اور اس پر ہونے والی تنقید سے حکومت گھبرانے والی نہیں۔
پریس کانفرنس میں ان کا کہنا ہے کہ اس نظام کا مقصد شہریوں پر دباؤ ڈالنا نہیں بلکہ ٹریفک قوانین پر عمل کرانا اور سڑکوں پر جانوں کا تحفظ یقینی بنانا ہے۔
شرجیل میمن نے کہا کہ بعض سیاسی جماعتیں ای چالان کے خلاف بیانات دے رہی ہیں، لیکن حقیقت یہ ہے کہ قوانین کی خلاف ورزی کے باعث روزانہ حادثات ہوتے ہیں اور قیمتی جانیں ضائع ہوتی ہیں۔
انہوں نے کہا کہ نئے ٹریفک قوانین سے شہر میں واضح بہتری آئی ہے اور حکومت وہ اقدامات جاری رکھے گی جو عوام کے مفاد میں ہوں۔
ان کے مطابق ٹریفک قوانین تبدیل کیے گئے کیونکہ پرانے قوانین پر عمل درآمد نہیں ہو رہا تھا۔
وزیر اطلاعات کا مزید کہنا تھا کہ ٹریفک چالان سے حادثات میں کمی دیکھی جارہی ہے، اور حالیہ ڈمپر واقعے میں ملوث افراد کو گرفتار کرلیا گیا ہے۔
انہوں نے کہا کہ کراچی کے انفراسٹرکچر کی بہتری کے لیے تیزی سے کام جاری ہے اور حکومت چاہتی ہے کہ شہری قوانین کی پابندی کریں تاکہ کسی کا غیر ضروری مالی نقصان بھی نہ ہو۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
