پاسپورٹ بنوانے والوں کی بڑی مشکل آسان ہوگئی
WebDesk
05 نومبر, 2025 17:01
Great news has arrived for those who want to get their passport made
پاکستان میں پاسپورٹ بنوانے والوں کے لیے ایک بڑی سہولت پیش کر دی گئی ہے۔
ڈائریکٹوریٹ جنرل آف امیگریشن اینڈ پاسپورٹس نے فیس جمع کرانے کا نیا اور آسان آن لائن نظام متعارف کروایا ہے۔ اس نظام کے بعد اب شہریوں کو نیشنل بینک آف پاکستان کی طویل قطاروں میں کھڑا ہونے کی ضرورت نہیں رہے گی۔
ترجمان کے مطابق اب شہری "Passport Fee Asaan” موبائل ایپ یا Paymaster.com.pk ویب پورٹل کے ذریعے گھر بیٹھے پاسپورٹ فیس جمع کروا سکتے ہیں۔ یہ نظام ہر وقت دستیاب ہے اور صرف ایک منٹ میں ادائیگی مکمل ہو جاتی ہے۔
اس سروس کا مقصد عوام کے لیے پاسپورٹ کے اجرا کے عمل کو مزید آسان اور تیز بنانا ہے۔ اب درخواست گزار کو سب سے پہلے Payment Slip ID (PSID) بنانا ہوگی۔ یہ نمبر "Passport Fee Asaan” ایپ (جو اینڈرائیڈ اور آئی فون دونوں کے لیے دستیاب ہے) یا Paymaster ویب سائٹ سے حاصل کیا جا سکتا ہے۔
فیس جمع کرانے کے لیے صارف اپنے انٹرنیٹ بینکنگ اکاؤنٹ، اے ٹی ایم، ایزی پیسہ یا جاز کیش کے ذریعے ادائیگی کر سکتا ہے۔ صارف کو 1Bill آپشن منتخب کرنا ہوگا اور PSID نمبر سے پہلے 999999 درج کرنا ضروری ہوگا۔
آن لائن ادائیگی مکمل ہونے کے بعد درخواست گزار اپنے قریبی پاسپورٹ آفس جا کر باقی کارروائی باآسانی مکمل کر سکتا ہے۔ اس طرح شہریوں کو بینک کی لمبی قطاروں میں گھنٹوں انتظار نہیں کرنا پڑے گا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
