نیشنل سائبر کرائم انویسٹی گیشن ایجنسی کے گرفتار 7 افسران نے عہدوں سے استعفیٰ دے دیا

WebDesk

06 نومبر, 2025 12:28

اسلام آباد: نیشنل سائبر کرائم انویسٹی گیشن ایجنسی (NCCIA) کے 7 گرفتار افسران نے اپنے عہدوں سے استعفیٰ دے دیا ہے۔

ذرائع کے مطابق استعفوں کو وزارت داخلہ تک پہنچانے کا عمل مکمل ہوچکا ہے، تاہم ابھی تک وزارت داخلہ کی جانب سے استعفوں کی منظوری نہیں دی گئی۔

گزشتہ ہفتے اینٹی کرپشن لاہور نے NCCIA کے 8 افسران کے خلاف مقدمہ درج کیا تھا، گرفتار افسران میں ایڈیشنل ڈائریکٹر، ڈپٹی ڈائریکٹر، اسسٹنٹ ڈائریکٹرز اور سب انسپکٹرز شامل ہیں۔

اس واقعے کے بعد وزارت داخلہ کی جانب سے مزید تحقیقات اور کارروائی کا امکان ظاہر کیا جا رہا ہے تاکہ اس معاملے کی مکمل چھان بین کی جا سکے۔