ایم کیو ایم رہنماؤں کا وزیراعظم سے 27 ویں آئینی ترمیم میں مقامی حکومتوں کو اختیارات دینے کا مطالبہ
WebDesk
06 نومبر, 2025 14:00
ایم کیو ایم رہنماؤں کا وزیراعظم سے 27 ویں آئینی ترمیم میں مقامی حکومتوں کو اختیارات دینے کا مطالبہ
اسلام آباد: وزیراعظم شہباز شریف سے ایم کیو ایم پاکستان کے وفد نے ملاقات کے دوران 27 ویں آئینی ترمیم میں بلدیاتی حکومتوں کو بااختیار بنانے کا مطالبہ پیش کیا ہے۔
تفصیلات کے مطابق ملاقات وزیراعظم ہاؤس میں ہوئی جس میں ملکی سیاسی صورتحال اور آئینی ترامیم پر تبادلہ خیال کیا گیا۔
ذرائع کے مطابق ایم کیو ایم وفد میں گورنر سندھ کامران ٹیسوری، ڈاکٹر خالد مقبول صدیقی اور ڈاکٹر فاروق ستار شامل تھے، وفد نے وزیراعظم کو بتایا کہ مقامی حکومتوں کو آئینی سطح پر اختیارات دینا شہری علاقوں کی بہتری کے لیے ناگزیر ہے۔
ذرائع کا کہنا ہے کہ وزیراعظم نے ایم کیو ایم کے پیش کردہ بلدیاتی مسودے کو 27 ویں آئینی ترمیم کا حصہ بنانے کی یقین دہانی کرائی، ملاقات میں مسلم لیگ (ن) کی قیادت کی جانب سے ایم کیو ایم کے بلدیاتی اصلاحات سے متعلق مؤقف کی مکمل حمایت پر بھی اتفاق ہوا۔
گورنر سندھ کامران ٹیسوری نے ملاقات کے بعد میڈیا سے گفتگو کرتے ہوئے کہا کہ وزیراعظم نے آئینی ترمیم کے مسودے پر اعتماد میں لیا ہے اور بلدیاتی نظام کے حوالے سے ایم کیو ایم کی تجاویز پر مشاورت کی یقین دہانی کرائی ہے۔
واضح رہے کہ حکومتی اتحاد رواں ماہ 27 ویں آئینی ترمیم پارلیمنٹ میں پیش کرنے کی تیاری کر رہا ہے، جس میں مقامی حکومتوں کو بااختیار بنانے سے متعلق اہم نکات شامل کیے جانے کا امکان ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
