آئین سے چھیڑ چھاڑ قبول نہیں، مولانا فضل الرحمان کا حکومت کو سخت پیغام
WebDesk
06 نومبر, 2025 11:45
آئین سے چھیڑ چھاڑ قبول نہیں، مولانا فضل الرحمان کا حکومت کو سخت پیغام
جمعیت علمائے اسلام (ف) کے سربراہ مولانا فضل الرحمان نے آئینی ترامیم کے سلسلے پر شدید تحفظات کا اظہار کرتے ہوئے کہا ہے کہ آئین سے کھلواڑ کسی صورت برداشت نہیں کیا جا سکتا۔
اسلام آباد میں پاکستان تحریک انصاف کے وفد سے ملاقات کے بعد میڈیا سے گفتگو کرتے ہوئے مولانا فضل الرحمان نے کہا کہ حکومت ایک سال کے دوران دوسری ترمیم لا رہی ہے، جو آئین کے ساتھ کھیلنے کے مترادف ہے۔
ان کا کہنا تھا کہ اگر ترامیم کو زبردستی منظور کیا گیا تو عوام کا آئینی اداروں پر اعتماد متزلزل ہو جائے گا۔
انہوں نے کہا کہ ماضی میں ہم نے 34 شقوں پر حکومت کو پیچھے ہٹنے پر مجبور کیا تھا، مگر اب ایک بار پھر وہی نکات نئے انداز میں پیش کیے جا رہے ہیں۔
فضل الرحمان نے کہا کہ 27 ویں آئینی ترمیم کا مسودہ ابھی تک اپوزیشن کو فراہم نہیں کیا گیا، اور ایک وزیر گزشتہ تین ماہ سے اس پر کام کر رہا ہے جس سے ظاہر ہوتا ہے کہ یہ ترمیم کہیں اور سے تیار کی گئی ہے۔
جمعیت علمائے اسلام (ف) کے سربراہ کا کہنا تھا کہ سحاق ڈار پہلے خود کہہ چکے تھے کہ 26 ویں ترمیم ابھی ہضم نہیں ہوئی، مگر اب اسی کے بعد ایک اور ترمیم سامنے لائی جا رہی ہے۔
ان کا مزید کہنا تھا کہ اپوزیشن تمام جماعتوں کے ساتھ مل کر 27 ویں ترمیم پر مشترکہ مؤقف اختیار کرے گی تاکہ آئینی عمل کو سیاسی دباؤ سے محفوظ رکھا جا سکے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
