سال 2021 سے 2024 تک غیرت کے نام پر 1557 خواتین کو موت کے گھاٹ اتار دیا گیا
WebDesk
07 نومبر, 2025 13:00
سال 2021 سے 2024 تک غیرت کے نام پر 1557 خواتین کو موت کے گھاٹ اتار دیا گیا
اسلام آباد: وفاقی وزیر برائے انسانی حقوق اعظم نذیر تارڑ نے قومی اسمبلی میں خواتین کے خلاف تشدد اور جرائم سے متعلق تشویشناک اعداد و شمار پیش کر دیے۔
وزیر کے مطابق سال 2021 سے 2024 کے دوران ملک بھر میں 5948 خواتین کو قتل کیا گیا، جن میں سے 1557 خواتین غیرت کے نام پر موت کے گھاٹ اتاری گئیں۔
پیش کیے گئے اعداد و شمار کے مطابق انہی چار برسوں میں 16135 خواتین کے ساتھ جنسی زیادتی کے واقعات رپورٹ ہوئے، جبکہ 1636 خواتین گینگ ریپ کا نشانہ بنیں۔
وفاقی وزیر نے مزید بتایا کہ 1154 خواتین اپنے ہی گھر کے مردوں کی درندگی کا شکار ہوئیں، جو معاشرتی سطح پر تشویشناک رجحان کی عکاسی کرتا ہے۔
رپورٹ میں انکشاف کیا گیا کہ 2021 سے 2024 کے دوران ورک پلیس پر جنسی ہراسانی کے 182 واقعات بھی رپورٹ ہوئے۔
اعظم نذیر تارڑ نے کہا کہ حکومت خواتین کے تحفظ کے لیے موجودہ قوانین پر سختی سے عمل درآمد اور نئے اقدامات پر غور کر رہی ہے تاکہ ایسے واقعات کی روک تھام ممکن ہو سکے۔
انہوں نے زور دیا کہ معاشرتی رویوں میں تبدیلی، مؤثر قانون سازی اور فوری انصاف کے بغیر خواتین کے خلاف تشدد پر قابو پانا مشکل ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
