پاکستانی نوجوانوں کیلئے خوشخبری؛ حکومت نے بڑا اعلان کردیا

پنجاب حکومت نے آئی ٹی گریجویٹس کے لیے ایک نیا "آئی ٹی انٹرن شپ پروگرام” شروع کیا ہے جس کے تحت انٹرنز کو 50 ہزار روپے ماہانہ وظیفہ دیا جائے گا۔

وزیرِ اعلیٰ پنجاب مریم نواز شریف نے اس پروگرام کا افتتاح کیا ہے تاکہ صوبے کے نوجوانوں کو جدید ٹیکنالوجی کی تعلیم اور باعزت روزگار کے مواقع فراہم کیے جا سکیں۔

پروگرام کا مقصد آئی ٹی اور کمپیوٹر سائنس کے گریجویٹس کو جدید مارکیٹ اسکلز اور ٹیکنالوجیز میں تربیت دینا ہے۔ اس پروگرام کے تحت انٹرنز کو عملی تربیت دی جائے گی تاکہ وہ اپنی فنی صلاحیتوں کو مزید نکھار سکیں اور ٹیکنالوجی کے میدان میں قدم رکھ سکیں۔

Chief Minister Punjab Maryam Nawaz Sharif has launched the Chief Minister’s IT Internship Program for IT and Computer Science graduates. A gateway to modern technology and a dignified career start.

Under this program, interns will receive training in advanced market skills and… pic.twitter.com/2oYT0TVVkh

— PMLN (@pmln_org) November 6, 2025

پروگرام میں حصہ لینے کے لیے کچھ اہلیت کی شرائط رکھی گئی ہیں۔ انٹرن شپ کے لیے درخواست دینے والے امیدواروں کو آئی ٹی یا کمپیوٹر سائنس میں گزشتہ چار سال میں مکمل کی گئی ڈگری کی ضرورت ہوگی۔ اس کے علاوہ، امیدوار کا پنجاب کا ڈومیسائل ہونا ضروری ہے اور ان کی شناختی کارڈ (CNIC) درست اور قابلِ تصدیق ہونی چاہیے۔

حکومت کے ترجمان کے مطابق یہ پروگرام پنجاب کے نوجوانوں کے لیے ایک اہم موقع فراہم کرتا ہے تاکہ وہ ڈیجیٹل معیشت میں اپنی جگہ بنا سکیں اور ٹیکنالوجی کے شعبے میں کامیاب مستقبل کی طرف قدم بڑھا سکیں۔