بلوچستان میں زلزلے کے جھٹکے، شدت 5 ریکارڈ

WebDesk

08 نومبر, 2025 10:30

بلوچستان کے متعدد اضلاع میں رات دیر گئے زلزلے کے ہلکے جھٹکے محسوس کیے گئے۔

زلزلہ پیما ادارے کے مطابق اس کی شدت ریکٹر اسکیل پر 5.0 ریکارڈ کی گئی۔

رپورٹس کے مطابق زلزلہ رات تقریباً 2 بج کر 45 منٹ پر آیا اور اس کے جھٹکے زیارت، ہرنائی، زردالو، کھوسٹ، شاہرگ، مسلم باغ، خانوزئی، کان مہترزئی، رود ملازئی اور سرخاب سمیت دیگر علاقوں میں محسوس کیے گئے۔

صوبائی دارالحکومت کوئٹہ کے کچھ حصوں میں بھی زمین ہلنے کے آثار دیکھے گئے، تاہم کسی بھی قسم کے جانی یا مالی نقصان کی اطلاع موصول نہیں ہوئی۔

زلزلہ پیما ادارے نے شہریوں سے ہدایت کی ہے کہ وہ احتیاطی تدابیر اختیار کریں اور کسی بھی ہنگامی صورتحال کے لیے تیار رہیں۔