ملازمتیں ہی ملازمتیں؛ سرکاری نوکری کے خواہشمندوں کیلئے بڑی خوشخبری آگئی

سندھ حکومت نے گریڈ 5 سے 15 تک کی سرکاری ملازمتوں پر عائد کی جانے والی پابندی کو ختم کرنے کا فیصلہ کر لیا ہے۔

 اس حوالے سے ایک باقاعدہ نوٹیفکیشن جاری کر دیا گیا ہے۔ جس میں تمام متعلقہ محکموں کو ہدایت کی گئی ہے کہ وہ اپنے اپنے محکموں میں بھرتیوں کا عمل جلد از جلد شروع کریں۔

وزیرِ اعلیٰ سندھ مراد علی شاہ نے اس اعلان کے ساتھ ہی سندھ جاب پورٹل کا بھی افتتاح کیا۔ اس پورٹل کے ذریعے صوبے میں شفافیت اور میرٹ کی بنیاد پر بھرتیوں کا عمل ممکن بنایا جائے گا۔ وزیرِ اعلیٰ نے کہا کہ آئندہ پندرہ دنوں میں مختلف محکموں میں بھرتیوں کا سلسلہ شروع ہو جائے گا۔

28 اکتوبر کو کراچی میں ایک تقریب کے دوران وزیرِ اعلیٰ مراد علی شاہ نے کہا تھا کہ حکومت نوجوانوں کو روزگار کے بہتر مواقع فراہم کرنے کے لیے پرعزم ہے۔ ان کے مطابق ابتدائی طور پر گریڈ 1 سے 5 تک کی ملازمتوں کا عمل شروع کیا جائے گا، جبکہ بعد میں دیگر گریڈز میں بھی بھرتیاں کی جائیں گی۔

وزیرِ اعلیٰ کا کہنا تھا کہ سندھ حکومت کا مقصد صوبے میں روزگار کے مواقع بڑھانا ہے، تاکہ زیادہ سے زیادہ افراد کو حکومتی محکموں میں ملازمت کے مواقع حاصل ہو سکیں۔ اس اقدام سے نہ صرف نوجوانوں کو روزگار ملے گا بلکہ صوبے کی معیشت کو بھی فائدہ پہنچے گا۔

سندھ حکومت کے اس اقدام سے جہاں ایک طرف عوام میں خوشی کی لہر دوڑ گئی ہے، وہیں دوسری طرف محکموں میں کام کرنے والے افراد بھی اس اقدام کو خوش آئند قرار دے رہے ہیں۔