علامہ اقبال کے 148ویں یومِ ولادت پر مزار اقبال پر گارڈز کی تبدیلی کی پروقار تقریب
WebDesk
09 نومبر, 2025 08:20
علامہ اقبال کے 148ویں یومِ ولادت پر مزار اقبال پر گارڈز کی تبدیلی کی پروقار تقریب
آج 9 نومبر کو مفکرِ پاکستان ڈاکٹر علامہ محمد اقبال کا 148 واں یومِ ولادت عقیدت و احترام کے ساتھ منایا جارہا ہے، اس موقع پر لاہور میں مزار اقبال پر گارڈز کی تبدیلی کی ایک شاندار تقریب منعقد ہوئی، جس میں پاک بحریہ کے چاق و چوبند دستے نے اعزازی گارڈز کے فرائض سنبھالے۔
مزار اقبال پر گارڈز کی تبدیلی کے دوران پاکستان رینجرز پنجاب کا دستہ اپنے فرائض سے سکبدوش ہوکر رخصت ہوا، اور پاک بحریہ کے چاک و چوبند دستے نے مزارِ اقبال پر اعزازی گارڈز کے فرائض سنبھالے، یہ تقاریب ڈاکٹر اقبال کے ساتھ قوم کی محبت اور عقیدت کا عملی اظہار تھیں۔
پاکستان نیوی کے کمانڈر سینٹرل پنجاب، ریئر ایڈمرل سہیل احمد عزمی تقریب کے مہمانِ خصوصی تھے، انہوں نے گارڈز کی تبدیلی کی تقریب میں شرکت کی اور پاکستان رینجرز اور پاک بحریہ کے دستوں کا معائنہ کیا۔
ریئر ایڈمرل سہیل احمد عزمی نے مزارِ اقبال پر پھول رکھے اور علامہ اقبال کے روح کو ایصالِ ثواب کے لیے فاتحہ خوانی کی، اس موقع پر ان کے ہمراہ دیگر فوجی افسران اور حکومتی شخصیات بھی موجود تھیں۔
گارڈز کی تبدیلی کی تقریب کے اختتام پر ریئر ایڈمرل سہیل احمد عزمی نے مہمانوں کی کتاب میں اپنے تاثرات قلمبند کیے اور ڈاکٹر اقبال کی فکری وراثت کو قومی یکجہتی اور ترقی کے لیے مشعلِ راہ قرار دیا۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
