سابق ایم این اے افتخار احمد چیمہ انتقال کرگئے

WebDesk

09 نومبر, 2025 11:30

معروف سیاستدان انقال کرگئے

لاہور: پاکستان مسلم لیگ (ن) کے سابق ایم این اے افتخار احمد چیمہ انتقال کر گئے۔

تفصیلات کے مطابق افتخار چیمہ نے تین بار ن لیگ کے ٹکٹ پر قومی اسمبلی کی نشست پر منتخب ہو کر عوام کی خدمت کی۔

خاندانی ذرائع کے مطابق افتخار چیمہ کچھ عرصے سے علیل تھے اور ان کا علاج جاری تھا، تاہم وہ بیماری سے نہ لڑ سکے اور دنیا فانی سے رخصت ہو گئے۔

افتخار احمد چیمہ کی نماز جنازہ آج بعد نماز عصر ان کے آبائی گاؤں میں ادا کی جائے گی۔

افتخار احمد چیمہ کا انتقال پاکستانی سیاست کے ایک مخلص اور محنتی سیاستدان کی کمی کا باعث ہے، ان کی وفات سے نہ صرف مسلم لیگ (ن) بلکہ پورے سیاسی منظر نامے میں ایک خلا پیدا ہوگیا ہے۔