مفتی طیب قریشی نے وزیرِاعلیٰ خیبرپختونخوا کے مساجد اور فوج کے بارے میں بیان کو نامناسب قرار دیدیا

WebDesk

09 نومبر, 2025 13:34

مفتی طیب قریشی نے وزیرِاعلیٰ خیبرپختونخوا کے مساجد اور فوج کے بارے میں بیان کو نامناسب قرار دیدیا

مفتی طیب قریشی نے وزیرِ اعلیٰ خیبرپختونخوا سہیل آفریدی کے مساجد اور فوج کے بارے میں بیان کو غیر محتاط اور نامناسب قرار یددیا۔

انہوں نے کہا کہ خیبرپختونخوا کی سیکیورٹی کے لیے سیکیورٹی فورسز نے لازوال قربانیاں دی ہیں، اور ہماری فوج اور پولیس ہی مساجد کا دفاع کرتی ہیں۔

ان کا کہنا تھا کہ اس وقت پاکستان کو خاص طور پر خیبرپختونخوا کو وحدت اور اتفاق کی ضرورت ہے تاکہ ملک معاشی اور دفاعی لحاظ سے مضبوط ہو سکے۔

مفتی طیب قریشی نے کہا کہ خیبرپختونخوا کو درپیش چیلنجز میں افواج نے بہت قربانیاں دی ہیں اور دشمن کے حملوں کا مقابلہ کرنے کے لیے ہم سب کو متحد ہو کر دفاع کرنا ہوگا۔

انہوں نے مزید کہا کہ بھارت کیخلاف بنیان المرصوص کی کامیابی کے بعد ہر طرف سے دشمن حملہ آور ہیں۔