مسلم لیگ (ن) کے سینیٹر عرفان صدیقی کی طبیعت ناساز، آئی سی یو میں زیر علاج

WebDesk

10 نومبر, 2025 10:53

اسلام آباد: مسلم لیگ (ن) کے سینیٹر عرفان صدیقی کو سانس کی شدید تکلیف کے باعث اسپتال کے انتہائی نگہداشت وارڈ (آئی سی یو) میں داخل کر لیا گیا ہے۔

اہلخانہ کے مطابق عرفان صدیقی گزشتہ چند روز سے سانس کی دشواری میں مبتلا ہیں اور اسلام آباد کے ایک نجی اسپتال میں زیر علاج ہیں۔

ذرائع کے مطابق علالت کے باعث سینیٹر عرفان صدیقی آج سینیٹ کے اجلاس میں شریک نہیں ہو سکیں گے اور 27ویں آئینی ترمیم پر ووٹ بھی کاسٹ نہیں کر پائیں گے۔

گزشتہ روز پارلیمانی کمیٹی نے 27ویں آئینی ترمیم کی تمام 49 شقوں کی منظوری دے دی تھی، جس کے بعد امکان ہے کہ ترمیم کا مسودہ آج سینیٹ میں پیش کیا جائے گا۔