اے این پی رہنما ممتاز علی خان کی گاڑی کے قریب بم دھماکا

WebDesk

12 نومبر, 2025 14:32

Explosion near car of prominent Pakistani politician

سوات کے علاقے مٹہ میں اے این پی رہنما ممتاز علی خان کی گاڑی کے قریب بم دھماکا ہوا، تاہم وہ حملے میں محفوظ رہے۔

ڈی پی او سوات کے مطابق دھماکا ریمورٹ کنٹرول بم کے ذریعے کیا گیا، جس سے گاڑی کو نقصان پہنچا۔ ممتاز علی خان ایک جنازے میں شرکت کے لیے جا رہے تھے کہ گھر سے تقریباً 300 فٹ کے فاصلے پر نصب شدہ بارودی مواد پھٹ گیا۔

ابتدائی اطلاعات کے مطابق ریمورٹ کنٹرول بم کو کھنڈر نما عمارت کی دیوار میں نصب کیا گیا تھا۔ دھماکے کے بعد پولیس کی بھاری نفری نے علاقے کا محاصرہ کر لیا اور تحقیقات کا عمل فوری طور پر شروع کر دیا گیا۔

دھماکے کے موقع پر کسی جانی نقصان کی اطلاع نہیں ملی۔ ذرائع کے مطابق صوبے میں قیام امن کے لیے آج صوبائی حکومت کے تحت امن جرگہ بھی منعقد ہو رہا ہے۔