قومی اسمبلی میں محمود اچکزئی نے 27 ویں ترمیم کے بل کی کاپی پھاڑ دی
WebDesk
12 نومبر, 2025 15:51
Heated exchanges in National Assembly
اسلام آباد: قومی اسمبلی اجلاس میں اپوزیشن رہنما محمود خان اچکزئی نے 27 ویں ترمیم کے بل کی کاپی پھاڑ دی۔
27 ویں آئینی ترمیم کی منظوری کے لیے قومی اسمبلی کے اجلاس میں محمود خان اچکزئی نے حکومت پر سخت تنقید کی اور کہا کہ یہ حکومت فارم 47 پر قائم کی گئی ہے، ایسی پارلیمنٹ کو آئین میں ترمیم کا اختیار نہیں دیا جا سکتا۔
اجلاس کے دوران ماحول خاصا گرما گیا جب محمود اچکزئی نے بل کی کاپی ہاتھوں میں اٹھا کر پھاڑ دی۔ حکومتی اراکین کی جانب سے شور شرابہ ہوا۔
دوسری جانب میڈیا سے گفتگو کرتے ہوئے چیئرمین پی ٹی آئی بیرسٹر گوہر نے کہا کہ ان کی جماعت 27 ویں ترمیم میں کسی صورت شامل نہیں ہوگی۔
انہوں نے واضح کیا کہ ہم اس ترمیم کے خلاف واک آؤٹ اور احتجاج بھی کریں گے، ساتھ ہی اسمبلی میں اپنے مؤقف پر تقریریں بھی دیں گے۔
ایک صحافی کے سوال پر کہ آیا نواز شریف آج پارلیمنٹ میں آئیں گے؟ بیرسٹر گوہر نے کہا کہ نواز شریف آئیں یا نہ آئیں، وہ اب پاکستانی سیاست سے غیر متعلق ہو چکے ہیں۔ پارلیمان میں ان کے لیے کوئی ریڈ کارپٹ نہیں بچھائی گئی۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
