سینیٹ کے بعد قومی اسمبلی سے بھی 27 ویں آئینی ترمیم دوتہائی اکثریت سے منظور
WebDesk
12 نومبر, 2025 17:26
قومی اسمبلی نے 27ویں آئینی ترمیم کو دو تہائی اکثریت سے منظور کرلیا ہے، جس کے بعد ملک کے آئینی ڈھانچے میں اہم تبدیلیوں کی راہ ہموار ہوگئی ہے۔
اجلاس اسپیکر ایاز صادق کی زیر صدارت ہوا، جس میں وفاقی وزیر قانون اعظم نذیر تارڑ نے 27ویں آئینی ترمیم کی تحریک پیش کی۔ انہوں نے کہا کہ “ترمیم کے خدوخال پہلے ہی سینیٹ میں پیش کیے جاچکے ہیں۔ قانون اور آئین میں ترمیم ایک ارتقائی عمل ہے۔”
اعظم نذیر تارڑ نے واضح کیا کہ ترمیم کے مطابق جسٹس یحییٰ آفریدی ہی چیف جسٹس پاکستان کے طور پر برقرار رہیں گے۔
قومی اسمبلی میں حکومت نے 27ویں آئینی ترمیم میں آٹھ نئی ترامیم بھی پیش کیں۔ اس میں چار شقیں نکالنے اور چار نئی شقیں شامل کرنے کی تجاویز منظور ہوئیں۔
شق وار ووٹنگ کے دوران تمام 59 شقیں منظور کرلی گئیں۔ ترمیم کی حمایت میں 233 ارکان نے ووٹ دیا جبکہ 4 ارکان نے مخالفت کی۔ مخالفت کرنے والوں میں جمعیت علمائے اسلام (جے یو آئی) کے ارکان شامل تھے۔
ووٹنگ کے بعد اسپیکر ایاز صادق نے باضابطہ اعلان کیا کہ قومی اسمبلی نے 27ویں آئینی ترمیم دو تہائی اکثریت سے منظور کرلی۔ حتمی گنتی کے مطابق 234 ارکان نے ترمیم کے حق میں ووٹ دیا جبکہ 4 نے مخالفت کی۔
ترمیم کی منظوری کے ساتھ ہی 27ویں آئینی ترمیم کا بل قانون بننے کے آخری مرحلے میں داخل ہوگیا ہے۔
Catch all the پاکستان News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
