ہفتہ، 29-نومبر،2025
ہفتہ 1447/06/08هـ (29-11-2025م)

سینکڑوں بھرتیوں کا اعلان!! اپلائی کیسے کریں؟ آسان طریقہ جانیے

14 نومبر, 2025 10:53

پاکستان میں پہلی بار گوگل کروم بکس مقامی سطح پر بنانے کی تیاریاں مکمل کر لی گئی ہیں۔ اس منصوبے سے نہ صرف ٹیکنالوجی کے شعبے میں ترقی آئے گی بلکہ ملک میں روزگار کے نئے مواقع بھی پیدا ہوں گے۔

ذرائع کے مطابق کروم بکس کی تیاری ہری پور میں قائم نیشنل ریڈیو ٹیلی کمیونیکیشن فیکٹری میں کی جائے گی۔ فیکٹری میں اس مقصد کے لیے جدید ترین اسمبلی لائن لگائی جا چکی ہے۔ اس منصوبے کو گوگل اور ٹیک ویلی پاکستان کے تعاون سے شروع کیا گیا ہے جبکہ اسپیشل انویسٹمنٹ فسیلیٹیشن کونسل نے اس میں اہم کردار ادا کیا۔

ٹیک ویلی پاکستان کے سی ای او عمر فاروق کا کہنا ہے کہ فیکٹری میں سالانہ پچاس لاکھ کروم بکس تیار کیے جائیں گے۔ اس پروجیکٹ سے کم از کم پانچ سو افراد کو نوکریاں ملیں گی، جس سے مقامی معیشت پر مثبت اثر پڑے گا۔

ان کا مزید کہنا تھا کہ مقامی تیاری کے باعث کروم بکس کی قیمتوں میں خاطر خواہ کمی آئے گی۔ اس سے اسکولوں، دفاتر اور عام صارفین کو ڈیجیٹل ٹیکنالوجی تک آسان اور کم قیمت رسائی ملے گی۔

Catch all the پاکستان News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔